Միջոցներ լայնացած ծակոտիների դեմ. 168.am

Լայնացած ծակոտիներն ի հայտ են գալիս այն մարդկանց մոտ, ովքեր յուղոտ մաշկ ունեն: Ներկայում կարելի է տարբեր դեղամիջոցներ գտնել, որոնք ձգում են մաշկն ու նեղացնում ծակոտիները: Ստորև մի քանի բաղադրատոմսեր են, որոնք կօգնեն փակել ծակոտիները:

Ջուր և սոդա

2 ճ/գ սոդան խառնեք 2 ճ/գ ջրով: Խառնուրդը քսեք դեմքին և թողեք չորանա մոտավորապես 15 րոպե: Երբ զգաք, որ մաշկը ձգվում է՝ լվացեք դեմքը սառը ջրով:

Լոլիկ և լայմի հյութ

Միջին չափսի լոլիկի հյութն ու 2-4 կաթիլ լայմի հյութը խառնեք: Ապա բամբակի մի կտորը թրջեք ստացված խառնուրդում և քսեք դեմքին: Թողեք մնա 15 րոպե, ապա լվացեք սառը ջրով:

Ձվի սպիտակուց և կիտրոնի հյութ

Սա ևս մեկ բնական դիմակ է, որը կարող եք ստանալ կիտրոնի հյութի մի քանի կաթիլի և 2 ձվի  սպիտակուցի միջոցով: Այս խառնուրդը քսեք դեմքին, պահեք մի քանի վայրկյան, որպեսզի չորանա: Ապա լվացեք դեմքը սառը ջրով: Այս դիմակը կփակի ծակոտիները, միևնույն ժամանակ կմաքրի մաշկի մեռած բջիջները:

Կիտրոն և արքայախնձորի հյութ

Նախևառաջ՝ կես կիտրոնի հյութը խառնեք կես արքայախնձորի հյութով: Մաքուր կտորը վերցրեք, թրջեք հյութի մեջ և դրեք դեմքին, թող մնա 5 րոպե: Դրանից հետո լվացեք դեմքը սառը ջրով:

Հարցեր, պատասխաններ, մեկնաբանություններ